Əfqanıstan hökuməti əsir terrorçuları azadlığa buraxmağa başlayıb
Əfqanıstan hökuməti “Taliban” hərəkatının 100-ə yaxın üzvünü Kabildəki Pul-ə-Çarxi həbsxanasından azadlığa buraxıb.
Bu barədə “Tolo News” telekanalı xəbər verir.
Telekanalın məlumatına əsasən, məhbuslar meyin 2-də, şənbə günü axşam həbsxanadan azad ediliblər. Ümumilikdə “Taliban” Amerika ilə razılaşma əsasında beş min üzvünün azad olunmasını tələb edir. Əfqanıstan tərəfi isə tədricən 1,5 min məhbusu azad etmək qərarına gəlib.
Marsın 10-da bildirilmişdi ki, Əfqanıstan Prezidenti Əşrəf Qani əsir taliblərin əfv edilməsi və onların azad edilməsi haqqında fərman imzalayıb.
Xatırladaq ki, cari ilin fevriyyənin 29-u Qətərin paytaxtı Dohada Amerika və “Taliban” arasında sülh anlaşması imzalanıb.
Anlaşmanı Amerika Əfqanıstan üzrə xüsusi nümayəndəsi Zalmay Xəlilzad və “Taliban”ın rəhbərinin müavini Abdulla Qəni Baradar imzalayıblar.
Lakin anlaşmanın imzalanmasından iki gün sonra “Taliban” Əfqanıstan hökumətinə qarşı döyüşləri bərpa edib.
