“Cebhətun-Nosrə” teror qruplaşması Suriyənin İdlib bölgəsindəki bir sıra yerlərə ardıcıl 17 dəfə hücum edib. Olayla ilgili Rusiyanın Suriyədəki Barışıq Mərkəzinin müavini dəryaban Vyaçeslav Sıtnik məlumat verib.
O, “Cebhətun-Nosrə” teror qrupunun hücumlarını təsdiqləyib. Məlumata görə, hücumlardan 10-u İdlibin mərkəzi hissəsinə, 5-i Laziqiyyə, 1-i Həmmah əyalətinə, 1-i isə Hələbə yönəldilib.
Bildirək ki, terorçuların hücumu Suriyə Prezidenti Bəşər Əsədin ölkədəki gərginliklə bağlı verdiyi açıqlamadan sonra gerçəkləşib. Bəşər Əsəd Suriyədə savaşın hələ də bitmədiyini söyləyib.
