“Aznews tv”nın xəbərinə görə, Xamenei ölkə xalqına müraciət edərək deyib ki, İran xalqı israfçılıq edərək çörəyi tullantı şəklində atır.
O, habelə İranın kənd təsərrüfatı idxalından ciddi şəkildə asılı olduğunu etiraf edib, lakin özünün də ən yüksək səviyyədə təmsil olunduğu 43 illik hakimiyyətdə İranın bu acınacaqlı vəziyyətində onun hansı rol oynadığına aydınlıq gətirməyib.
Xamenei eyni zamanda ölkəni çənginə almış yoxsulluq, milyardlarla dolların məmurlar tərəfindən mənimsənilməsi, rüşvətxorluq, təbii və milli sərvətlərin talan və israf edilməsi, iqtisadiyyatın iflic vəziyyətə gətirilməsi və milyonlarla insanın işsiz qalması ilə bağlı heç bir fikir söyləməyib.
Xatırladaq ki, ölkədə aclıqdan qıvrılan milyonlarla insanın olduğu halda, Xameneinin bu çıxışı böyük səs-küyə səbəb olub. İran xalqı ali liderdən soruşur ki, əgər israfçılığa bu qədər qarşıdırsa, bəs nə üçün raket və insansız uçaq proqramlarına, habelə proksi (niyabəti) qruplaşmalarına bu qədər pul xərcləyir?
