Bu barədə məlumatı Marağanın Mədəni İrs Təşkilatı təsdiqləyib.
Bildirilib ki, günbəzin alt qatına yığılan su binövrənin zədələnməsinə və abidənin təhlükə ilə üzləşməsinə səbəb olub.
Mədəni İrs Təşkilatı hadisənin 8 ay qabaq baş verməsinə, bu barədə bələdiyyəyə məktublar yazılmasına baxmayaraq təmir və bərpa işlərinin aparılmasına başlanılmayıb.
Qeyd edək ki, 1148-ci ildə Marağada tikilmiş Qırmızı Günbəz türbəsi Azərbaycan ərazisində inşa olunmuş ən qədim müsəlman xatirə tikililərindən biri olmaqla yanaşı, Azərbaycan memarlıq tarixində kaşı istifadəsinin ilk bəlli örnəyi olan abidədir.