Erməni müxalifəti, baş nazir Nikol Paşinyanın bir gün əvvəl erkən seçkilərin keçirilməsi ilə balı etdiyi təklifi qəbuledilməz sayır.
Bunu “Sputnik-Armeniya” telegram kanalında yazıb.
Erməni müxalifətinin liderlərindən biri, “Daşnaksütyun” partiyasının təmsilçisi İşxan Saqatelyan bu variantın qəbul edilə bilməyəcəyini söyləyib.
“Bir yol var – xain vəzifəsindən getməlidir, bundan sonra erməni xalqına azad, ədalətli, şəffaf seçki keçirmək imkanı veriləcək”, – deyə o, Facebook-da yazıb.
Xatırladaq ki, Ermənistanın baş naziri Nikol Paşinyan dünən 2021-ci ildə növbədənkənar parlament seçkilərinin keçirilməsi ilə bağlı ölkənin siyasi qüvvələri ilə məsləhətləşmələr aparacağını elan etmişdi: “Mən parlamentdəki və parlamentdən kənardakı maraqlı qüvvələri 2021-ci ildə erkən parlament seçkilərinin keçirilməsi ilə bağlı məsləhətləşmələrə dəvət edirəm”.