İran Xarici İşlər Nazirliyi Cənubi Koreyanın Tehrandakı səfiri Ryu Jeong-Hyunu nazirliyə çağıraraq, Cənubi Koreyanın İrana olan 7 trilyon won (6 milyard dollar) borcunu tələb edib.
“Marja” xəbər verir ki, bu barədə “Bloomberg” məlumat yayıb.
Xəbərə görə, ABŞ-ın İrana tətbiq etdiyi sanksiyalara görə, Cənubi Koreya İrana borcunu köçürə bilmir. İran Mərkəzi Bankı Cənubi Koreya banklarından vəsait qəbul edə bilmir.
Cənubi Koreya transferin reallaşdırılması üçün ABŞ rəhbərliyi ilə danışıqlar aparır.
Sanksiyalardan öncə Cənubi Koreya İrandan gündəlik təxminən 200 min barel neft idxal edirdi. ABŞ, 7 Avqust 2018-də İranın maliyyə sektoruna, həmin ilin Noyabr ayından isə neft sektoruna sanksiya tətbiq edib.
