İranda uçaqların yüzdə 50-i istifadəyə yararsız duruma düşüb.
Bu haqda İslam Şurası Məclisinin Tikinti-Quruculuq Komisyonu başqanı “Məhəmmədriza Rizayi Ku:çi” bilgi verib.
Onun sözlərinə görə, belə bir durumda müsafirlərin sayı çox olduğundan yeni uçaqlara ehtiyac var. Bu üzdən sözügedən Komisyon bank vamlarından istifadə etməklə yeni uçaqlar almağı planlaşdırır.
“Məhəmmədriza Rizayi Ku:çi” bildirib ki, onlar yeni uçaqlar yox, 10 ildən aşağı istifadə olunmuş uçaqlar almağı düşünürlər.
Bildirək ki, İranda təkcə hava yox, eləcə də yerüstü nəqliyyatda köhnə və yararsız nəqliyyat vasitələrinin istifadəsi nəticəsində hər il tez-tez meydana gələn hadisələrdən minlərlə insan ölür və ya sağlamlığını itirir. Qarşılığında isə İran rejiminin məqamları nəqliyyat vasitələrini yeniləmək yerinə, büdcə pullarını Hizbullah ilə Həşdüşşəbi kimi qruplara xərcləyir.
