İranda yoxsulluq və işsizlik həddinin sürətlə artması Qərbi Azərbaycan əhalisinin, özəlliklə gənclərin Urmuya axın etməsinə səbəb olub. Belə ki, ortalama əmək haqqının az olması və gənclər üçün əlverişli iş imkanlarının yaradılmaması problemin daha da genişlənməsinə yol açıb.
Daş Makı Vilayətinin kəndlərindən birində yaşayan 30 yaşlı Fərhad Məliki deyir ki, yaşadığı bölgədə iş tapa bilmədiyindən şəhərə üz tutmaq məcburiyyətində qalıb. Özəlliklə bəzi sahələrdə işlərin mekanizələşdirilməsi həmin sahədə iş imkanlarını azaldıb. Onun sözlərinə görə, kənddə yaşayan gənclər üçün yeni iş yerlərinin açılması ilə əhalinin iqtisadi durumunu qismən yaxşılaşdırmaq mümkündür.
