Ötən gün xəbər verdiyimiz kimi, İranda məhkəmənin hökmü ilə birdəfəlik ruhani libasından məhrum edilən Məhəmməd Mehdi Sədrossadati məsələyə münasibətini bildirib.
“Azad İran” Telegram kanalının xəbərinə görə, o, bu haqda yazıb: “Həmin bir neçə saat ərzində mənə minlərlə təbrik mesajı gəldi. Hətta gözləmədiyim insanlar belə məni təbrik etdi”.
O, daha sonra deyib: “Məsələ burasındadır ki, xalqın böyük bir hissəsi molla geyimini mənəviyyat simvolu olaraq yox, güc rəmzi olaraq görür”.
Başqa bir tərəfdən isə professor Kazım Qazizadə bu barədə bildirib: “Ayətullah Vəhid “Vilayət-i Fəqih” mövzusuna çatanda bu mövzunu bir kənara qoydu ya da Məşhəddə Ayətullah Fəlsəfi, o, da bu mövzunu kənara qoydu. Çünki cəmiyyəti onların baxışlarını qəbul etmədiyini görürdülər”.