Azərbaycanİran

Kərəc zindanında 10 məhkum edam edilib

İyunun 29-da Kərəc zindanında daha 10 məhkum eyni vaxtda dar ağacından asılaraq öldürülüb.

Bu barədə İran İnsan Haqları Təşkilatı məlumat yayıb.

Onlardan səkkizinin qətldə, ikisinin isə qeyri-qanuni cinsi münasibətdə olduqları üçün edama məhkum olunduqları bildirilir.

Öldürülənlər barədə İran məhkəmə sistemi və rəsmi dövlət mediası məlumat verməyib.

Bu üzdən onlardan yalnız ikisinin: İman Səfərirad və Mehdi Xalgəldinin kimliyini müəyyən etmək mümkün olub.

İbrahim Rəisi İran prezidenti olandan edamların sayı kəskin artıb və ötən ilin eyni dövrü ilə müqayisədə Tehran hökuməti edam cəzalarının icrasına görə rekord vurub.

Qeyd edək ki, İranda icra edilən edam cəzalarının 88 faizi barədə rəsmi açıqlama verilmədiyi üçün hüquq müdafiəçiləri buna “gizli edam” adı veriblər.

Buna görə də ölkədə icra edilən edamların rəsmi statistikada göstərildiyindən daha çox olduğu ehtimal edilir.

Related Articles

Bir cavab yazın

Back to top button