Türkiyənin Fransadakı səfiri İsmayıl Haqqı Musa, “Fransa Türkiyə donanması haqqında şikayəti ilə bağlı NATO-dan istədiyi nəticəni ala bilməyib”, – deyə bildirib.
Səfirin sözlərinə görə, rəsmi Paris Türkiyə ilə yaşadığı gərginlik səbəbindən Meditəranə dənizindəki “Dəniz hamisi” əməliyyatından çəkilib.
Fransalı senatorlarla görüşən səfir Paris hökumətinin məsələ ilə bağlı NATO-ya məlumat verdiyini söyləyib:
“Meditəranə dənizində Fransa ilə Türkiyə gəmiləri arasında baş verən gərginlik haqqında NATO hesabatında Fransanın iddiaları dəstəklənməyib. Buna görə də rəsmi Paris “Dəniz hamisi” əməliyyatından çəkilib”.
