Ermənistan silahlı qüvvələri ölkənin baş vəziri Nikol Paşinyanın istefasını tələb edib. Məsələ ilə bağlı “Sputnik Ermənistan” xəbər yayıb. Belə ki, Baş Qərargah rəisi Onik Qasparyan, müavinləri, şöbə müdirləri və bütün nizami birləşmələrin fərmandehləri bəyanat imzalayıblar. Bununla da Nikol Paşinyanın əsassız addımlarına və baş qərargah rəisinin birinci müavinini vəzifəsindən uzaqlaşdırmasına etiraz edilib. Baş vəzirin qərarlarının yalnız şəxsi hədəflərinə əsaslandığı vurğulanıb. Nikol Paşinyanın istefası istəyi 40-dan çox yüksək rütbəli nizami tərəfindən imzalanıb. Ermənistan baş vəziri Nikol Paşinyan məsələyə münasibət bildirərək, sözügedən bəyanatı nizami çevrilişə çaba adlandırıb. O, tərəfdarlarını Cümhuriyyət Meydanına dəvət edib.
Qeyd edək ki, ən son məlumatlara əsasən, Nikol Paşinyan Baş qərargah rəisi Onik Qasparyanı vəzifəsindən azad edib. Bu barədə Baş vəzir xalqa müraciətində açıqlama verib.
