Özbəkistanda 2021-ci il yanvarın 1-dən yaşayış məntəqələrinin baş planlarının təsdiqlənməsi üçün yeni bir qayda tətbiq edilməyə başlayacaq. Onun tətbiqində məqsəd dövlət vəsaitlərinin effektli xərclənməsi və indiyə qədər tikinti işlərində baş verən korrupsiya hallarının qarşısını almaqdır.
Özbəkistan prezidentinin imzaladığı fərmana əsasən, bundan sonra ölkədə yaşayış məntəqələrinin baş planları ictimai rəy öyrənildikdən və fiziki və hüquqi şəxslərin tikinti ilə bağlı təklifləri öyrənildikdən sonra təsdiqlənəcək.
Yaşayış məntəqələrinin baş planlarının ictimai müzakirəsi aşağıdakı ardıcıllıqla həyata keçiriləcəkdir:
Mərhələ I – vətəndaşları ictimai müzakirələrin vaxtı, yeri və qaydası ilə tanış etmək;
Mərhələ II – yaşayış məntəqəsinin baş planı layihəsi ilə bağlı ictimai müzakirələrin aparılması (müzakirələr, sosial sorğular, sakinlərin, torpaq istifadəçilərinin və daşınmaz əmlak obyektlərinin mülkiyyətçilərinin fikirlərinin toplanması və digər metodlar);
Mərhələ III – ictimai müzakirənin sabit nəticələrinə əsaslanan ictimai rəyin təhlili;
Mərhələ IV – İnternet daxil olmaqla mediada ictimai müzakirənin nəticələri barədə əhalinin məlumatlandırılması.
Sənəd 2025-ci ilədək bütün şəhərlərin, kənd və qəsəbələr üzrə isə 25%-ni əhatə edəcək baş planlarının hazırlanmasını hədəfləyir.
Qeyd edək ki, Özbəkistanda 1 mart 2021-ci ildən bəri fərdi binalar da daxil olmaqla bina və yaşayış binalarının tikintisi üçün yeni qaydalar tətbiq olunur.
Həmçinin Özbəkistanda dövlət elektron portal da istismara verməlidir ki, bunun vasitəsi ilə vətəndaşlar istənilən tikintinin qanuniliyini yoxlaya bilər və öz şikayətlərini müvafiq qurumlara çatdıra bilərlər.
