Yayılan bilgilərə görə, Qəzvində 11 yaşlı iki qız erkən nikaha məcbur edilib. İranın Amar Mərkəzinin yayımladığı bilgidə bu ilin yazında 10-14 yaşları arasında 7 min azyaşlının ailə qurduğu qeyd olunub. Bildirək ki, İranda azyaşlıların erkən nikahı geniş yayılıb. Ölkə qanunlarına görə, 18-dən aşağı yaş həddi azyaşlı hesab olunsa da, onların nikahı baş tuta bilər. İllərdir İran Məclisi qızların nikah yaşının 15-ə qaldırılması ilə bağlı çalışır. Qeyd edək ki, İranda qızların nikah yaşı 13, oğlanların isə 15-dir. Ancaq ailələrin izacəsi ilə azyaşlıların evliliyi gerçəkləşdirilir.
