Güney Azərbaycan şəhərlərində külli miqdarda uyuşdurucu maddə kəşf olunub. Bu barədə Qəzvin və Çaroymaq şəhərlərinin polis rəisləri mətbuata açıqlama verib. Çaroymaq şəhərinin polis rəisi sərhəng Babayarın sözlərinə görə, marsın 22-də keçirilən iki əməliyyat axtarış tədbirində heroin, şüşə və tiryəkdən ibarət 33 kiloqram uyuşdurucu maddə ələ keçirilib. Saxlanılan 3 nəfər barəsində cinayət işi açılıb. İstifadə etdikləri iki minik otomobili isə müsadirə olunub. Qəzvin şəhərinin polis rəisi Bijən Xudayi isə Qəzvin-Zəngan yolunda saxlanılan otobusdan 3 kilo 500 qram uyuşdurucu maddə götürüldüyünü bildirib.