Rusiyanın Federal Əmniyyət Xidmətinin Novosibirsk və Tomsk vilayətləri üzrə İdarəsinin əməkdaşları Rusiya və qonşu ölkələrdən birinin vətəndaşını həbs edib. Onlar Rusiyada qadağan olunmuş “Katiba Tövhid vəl-Cihad” terror təşkilatının maliyyələşdirilməsinə dair cinayət işi çərçivəsində saxlanılıb. Bu barədə Rusiyanın Federal Əmniyyət Xidmətinin Novosibirsk vilayəti üzrə İdarəsindən bildirilib. “Əməliyyat-axtarış tədbirləri nəticəsində “Katiba Tövhid vəl-Cihad” beynəlxalq terror təşkilatının maliyyələşdirilməsi ilə bağlı qanunsuz fəaliyyətlərin qarşısı alınıb”, – deyə məlumatda vurğulanıb.
