İranın etnik ərəblərin yaşadığı əl- Əhvaz şəhərinin Zuye küçəsində etiraz mitinqi keçirilib.
Verilən bilgilərə görə, etirazlara səbəb, son həftələrdə işığın və suyun davamlı olaraq söndürülməsi, İran dövlətinin Əhvaz bölgəsindəki su hövzələrini bilərəkdən qurutması və sözügedən problemlər nəticəsində insanların öz əkinçilik məhsullarının və mal-qarasının məhv olmasıdır.
Etirazçı ərəb xalqı müxtəlif şüarlar səsləndirərək İran hökumətinin bu addımlarla onları öz yurdlarından didərgin salıb etnik təmizləmə siyasəti yürütməsini pisləyiblər.
