Dünyaİran

Beni Qants: “İsrail İranla imzalanacaq yeni atom razılaşması ilə barışa bilər”

İsrailin savunma vəziri Beni Qants dünya güclərinin Vyəndə İranla apardığı atom danışıqlarından və Tehranla imzalana biləcək yeni atom anlaşmasından danışıb.

Septambrın 14-də Amerikanın nüfuzlu “Foreign Policy” dərgisinə müsahibə verən israilli vəzir deyib ki, İsrail bir sıra şərtlərlə Amerikanın 2015-ci ildə imzalanmış atom razılaşmasına qayıtmasını müsbət qarşılayacaq.

“Ancaq əgər İran atom proqramını yenidən gəlişdirərsə, o zaman biz nizami seçimə üstünlük verəcəyik.

Amerika dövlətinin məsələyə indiki yanaşması belədir ki, o İranın atom proqramını bəlli edilmiş çərçivəyə qaytarmağa çalışır. Biz isə bunu qəbul edirik. Amma həm də hesab edirik ki, danışıqlar məğlubiyyətə uğrasa, o zaman İrana ciddi güc sərgiləməyə hazırlaşmalıdır.

Bizim öngörümüzə görə, indi İranın atom bombası ürətimində istifadə olunan lazımı maddələr və qabiliyyət gücünə yiyələnməsi üçün iki-üç ay vaxta ehtiyacı var.

Elə buna görə hesab edirik ki, atom danışıqları uğursuz nəticə verəcəyi halda İrana qarşı iqtisadi basqılar gücləndirilməli, problemin həlli üçün nizami seçimə üstünlük verilməlidir”, -deyə Beni Qants bildirib.

Related Articles

Bir cavab yazın

Back to top button