Brayan Huk İrana qarşı yeni təhrimlər barədə xəbər verdi
Amerikanın xarici işlər vəzirinin köməkçisi Brayan Huk İrana qarşı yeni təhrimlər barədə məlumat verərək deyib: “İran tərəfindən atom razılaşmasının pozulması başqa təhrimlərə səbəb olacaq. Biz Bərcamın dayandırdığı təhrimləri qaytarmaq istəyirik”.
“Biz İrana qarşı silah təhrimlərini uzatmaq üçün səylərimizi davam etdirəcəyik” deyən Huk artırıb: “İranla ətom razılaşması 2231 saylı qətnamədən ayrıdır”.
O, İrana qarşı təhrimlərin çox yaxşı nəticələr verdiyini vurğulayaraq bildirib: “İran rejimi təhrimlər sayəsində milyardlarla dolardan məhrum olub”.
İranın terrorçuluğu himayət edən ölkələrin başında durduğunu diqqətə çatdıran Amerika məqamı deyib: “İrana qarşı silah təhrimlərinin ləğvi bu ölkəyə bölgədə sabitliyi pozmaq imkanı verəcək”.
Amerika Xarici İşlər Vəzirliyinin İran məsələləri üzrə xüsusi nümayəndəsi bildirib: “İran beynəlmiləl himayəti olmayan və təklənmiş bir ölkədir. Bizim bəzi ölkələrlə İranla bağlı fikir ayrılıqlarımız taktikidir və mahiyyəti deyil”.