Amerikanın Xarici İşlər Nazirliyi Həsən İrlunun ölməsi və onun Əbdülrza Şəhlayi olaraq tanınan məşhur terrorçu ilə eyni şəxs olması ilə bağlı “Amerikanın Səsi”nə açıqlama verib.
“Aznews tv” xəbər verir ki, Amerika Xarici İşlər Nazirliyi bu barədə bildirib ki, həmin şəxslər iki ayrı insanlardır və Şəhlayi haqda məlumat verilməsi üçün nəzərdə tutulmuş mükafat hələ də keçərlidir.
Xatırladaq ki, ötən günlərdə İranın Yəmən husiləri yanındakı səfiri Həsən İrlu Ərəb koalisiyası tərəfindən Səna şəhərində öldürülüb. İran Xarici İşlər Nazirliyi tərəfindən isə iddia olunub ki, guya İrlu koronavirusdan ölüb.
Qeyd edək ki, “Sərdar Şəhlayi” olaraq tanınan general Əbdülrza Şəhlayi adlı iranlı terrorçunun ələ keçirilməsinə yardım edəcək şəxslər üçün Amerika dövləti tərəfindən 15 milyon dollar mükafat ayrılıb.
