Sentyabrın 23-də isə Şərqi Azərbaycan əyalətinin Sərhəd Qoşunları komandanı Məhəmməd Əhmədi oxşar iddia ilə çıxış edərək Azərbaycan Respublikası ilə sərhəd bölgəsi Xudafərində iki nəfərin saxlanıldığı, onlardan odlu silahlar və partlayıcı maddələrin götürüldüyünü demişdi.
Bu iddialar Tehran rejiminin ölkədə baş verən kütləvi etiraz aksiyalarının bir tərəfini qonşu ölkələrlə əlaqələndirmək cəhdlərindən irəli gəldiyi ehtimal edilir.
Bundan öncə SEPAH-ın bülletenində Məhsa Əmininin öldürülməsi və ondan sonra başlayan etiraz aksiyalarda Azərbaycan, Türkiyə və İsrailin də əli olduğu, bunun Zəngəzuru ələ keçirmək üçün İranın başını daxili münaqişələrə qatmaq niyyəti ilə edildiyi barədə ittihamlar səsləndirilib.
