Belçika hökumətinin parlamentə göndərdiyi bu razılaşma layihəsi bir sıra etirazlara da səbəb olub.
Parlamentin Xarici Əlaqələr Komitəsində sənədə baxılarkən Belçikanın ədliyyə naziri İranla məhbusların mübadiləsi ilə bağlı parlament üzvlərinin monitorinqinin yollarını araşdıracağına söz verib.
Anlaşmaya qarşı çıxanların fikrincə, bu layihənin əsas məqsədi İranın terrorist diplomatı Əsədullah Əsədinin İrana qaytarılması ilə bağlıdır.
Xatırladaq ki, Əsədullah Əsədi ötən il terror fəaliyyətlərində günahlandırılaraq 20 il müddətinə həbsə məhkum edilib. O, İran hökumətinə müxalif Xalq Mücahidləri Təşkilatının iclasına bomba qoymağa çalışarkən həbs olunub.
