Cənubi Qafqazda davamlı sülhə nail olmaq üçün Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən tövsiyə edilən və Cənubi Qafqaz məsələlərinin həll edilməsinə yönələn “3+3” formatda görüşün dekabrın 10-da Moskvada keçirilməsi nəzərdə tutulur.
“İSNA” ajansına istinadən xəbər verir ki, bu barədə Türkiyə Xarici İşlər Nazirliyinin məsələ ilə bağlı mətbuat açıqlamasında bildirilib.
Nazirliyin bəyanatında habelə qeyd olunub: “Cənubi Qafqazda daimi sülh və sabitliyin təmin edilməsi təklifini irəli sürən “3+3″ formatında görüşün birinci iclası sabah, dekabrın 10-da Moskvada təşkil ediləcək. Azərbaycan, Ermənistan, Rusiya və Türkiyə xarici işlər nazirlərinin müavinləri səviyyəsində baş tutacaq görüşdə Türkiyəni nazir müavini Sedat Önalın başçılığı ilə nümayəndə heyəti təmsil edəcək”.
