Yəməndə 5 il ərzində münaqişələr zamanı 233 min nəfər dünyasını dəyişib. Bu barədə Birləşmiş Millətlər Təşkilatının insani məsələlər üzrə ali komiserinin idarəsi məlumat yayıb.
“Bu, çox təəssüfləndirici qəbuledilməz rəqəmdir”, – deyə idarədən bildirilib.
Qeyd edək ki, Yəməndə 2014-cü ildən bəri İranın dəstəklədiyi husi qiyamçıları ilə hökumət qüvvələri arasında silahlı toqquşmalar davam edir.
