Xəbər verdiyimiz kimi, İranın Xarici İşlər vəziri Məhəmməd Cavad Zərifin bölgə ölkələrinə səfəri davam edir. İran rəsmisinin səfərləri ilə bağlı “Eghtesadonline” saytında Rusiya və Qafqaz məsələləri üzrə təhlilçi Şüeyb Bəhmənin araşdırması yer alıb. Təhlilçinin fikrincə, bu görüşlərdən sonra Mosko öz siyasətinə uyğun olaraq həm atom razılaşmasının yenidən canlandırılması, həm də Tehranla Riyaz arasında vasitəçilik çabalarını davam etdirə bilər. Şüeyb Bəhmənin sözlərinə görə, Rusiyanın həyata keçirdiyi planları, habelə Ermənistan və Azərbaycan tərəfləri ilə razılaşma əldə edildiyini nəzərə alaraq, bölgədəki durumun nisbi sabitliyə doğru getdiyini söyləmək mümkündür. Təhlilçi bu nisbi sabitliyin öncədən təyin edilən planların həyata keçirilməsi ilə ilgili olduğunu açıqlayıb.
