Türkiyədə zəlzələ baş verib. Bu barədə ölkənin İztirari Halların İdarə Olunması Ajansı xəbər verib. Məlumata görə, yeraltı təkanlar Afyonkarahisarda yerli vaxtla saat 00:08-də 3,9 rişter gücündə qeydə alınıb. Zəlzələ ocağı 5,9 kilometr dərinlikdə yerləşib. Qəndilli Rəsədxanası isə zəlzələnin 4 rişter gücündə olduğunu bildirib. Dağıntı və tələfat qeydə alınmayıb. Bildirək ki, bu, son günlər Türkiyədə qeydə alınan növbəti zəlzələdir. Ötən həftə də qonşu ölkədə bir neçə yeraltı təkan baş verib.