“Bloomberg” xəbər ajansının məlumatına görə, Rusiya baş nazirinin müavini və Rusiya-İran Birgə İqtisadi Komissiyasının həmsədri Aleksandr Novak İranın neft naziri Cavad Ouci ilə görüşmək üçün mayın 25-də Tehrana səfər edib.
Novak görüş barədə deyib: “Azad Ticarət Zonasının yaradılması ilə bağlı anlaşmaların hazırlanması mərhələsini sürətləndirməklə bağlı razılığa gəldik və nüvə silahı məsələsi ilə bağlı danışıqlar apardıq. Bununla yanaşı, neft-qaz mübadiləsi və karbohidrogen layihələrində birgə sərmayələrin yartırılması məsələlərini müzakirə etdik”.
Cavad Ouci isə bildirib ki, İran və Rusiya 2025-ci ilə qədər illik ticarət mübadiləsinin həcmini 40 milyard dollara qədər artırmaq fikrindədir. Onun sözlərinə görə, hər iki ölkə ticarət mübadiləsini Amerika dolları ilə yox, öz milli valyutaları ilə aparacaqlar.
