İsrailin milli təhlükəsizlik müşaviri Eyal Hulata amerikalı həmkarı Cek Sallivan ilə İranla bağlı müzakirə aparmaq üçün Amerika Birləşmiş Ştatlarına səfər edib.
“Aznews tv” xəbər verir ki, İsrail rəsmisinin bu səfəri Vyanada nüvə müzakirələrinin növbəti mərhələsinin başlanmasının astanasında reallaşıb.
Hulata ABŞ səfərindən öncəki açıqlamasında iki ölkə arasında, xüsusilə İranla bağlı dərin müzakirələrin davam edəcəyini bildirib.
O, ölkəsinin Amerika ilə bütün mövzularda eyni mövqeyə sahib olmadığını, lakin iki ölkə arasındakı koordinasiyanın dərin, mühüm və strateji olduğunu qeyd edib.
