Bu ilin yanvar-fevral aylarında Azərbaycanın magistral neft kəmərləri ilə 5 mln 800,5 min ton neft nəql edilib. Dövlət Statistika Komitəsinə istinadən verdiyi xəbərə görə, nəqletmənin 76,5 %-i Bakı-Tbilisi-Ceyhan (BTC) neft ixrac kəməri ilə həyata keçirilib.
Bu ilin yanvar-fevral ayları ərzində BTC vasitəsilə 4 mln 437,2 min ton neft ötürülüb. Bu isə ötən ilin müvafiq ayı ilə müqayisədə 11,8 % azdır.
Hesabat dövründə BTC kəməri ilə 393,1 min ton tranzit nefti də nəql edilib ki, bu da 2020-ci ilin yanvar-fevral ayları ilə müqayisədə 45,7 % çoxdur.
Qeyd edək ki, BTC ilə hazırda Azərbaycan neftindən əlavə Türkmənistan və Rusiyanın Xəzər dənizində hasil etdikləri neft də nəql edilir.
