İngiltərədə irqçiliyə qarşı keçirilən təzahuratda polislərlə etirazçılar arasında qarşıdurma yaşanıb.
Londonda Amerika səfirliyi önündə başlayan etiraz Vəzirlər Kabineti binası qarşısında davam edib.
Məlumata görə, nümayiş zamanı etirazçılar polisə butulka və daş atıb. Nəticədə bir polis başından yaralanıb.
Şəhərin digər nöqtələrində də polis avtomobilləri daşlanıb.
Qeyd edək ki, bir neçə gün öncə baş verən etirazlarda qarşıdurma yaşanıb. Həmin vaxt onlarla etirazçı saxlanılıb, ən azı 14 polis yaralanıb.
