معصوم‌خانیم جبارپور فارس ادبیاتیندان آزربایجان تورکجه‌سینه اوز گتیرن شاعرلریمیزدن‌ایدی. ایلک شعرلری داها آرتیق فارس دیلینده اولماغینا رغما، ۱۳۹۵-نجی ایل «قار آدام» و ۱۳۹۶نجی ایل «من یاساقلاری سیندیردیم» عنوانلی ایکی شعر توپلوسونو آذربایجان ادبی جمعیتینه تقدیم ائتمیشدیر. او عصیان شعرلری ایله آزربایجان ادبی اجتماعیاتیندا اؤزونه مخصوص مؤوقع قازانان و اؤزو دئمیشکن شعرده «یاساقلاری سیندیران» و جسارتله کیشی محور عنعنه‌نین سرحدلرینی پوزان بیر شاعر ایدی.
روحو شاد
