بیر ده کی،بو اؤلکه ده اعتراضلارا حاکمییت طرفیندن یول وئرئیلمه‌مه‌سی هامؽیا آیدؽندؽر. بۆتوْن اعتراضلارؽ اغتیشاشا چکیب، اینسان حاقلارؽنؽ کوبودجاسینا پوزاراق،گۆناهسؽز اعتراضچؽلارا اغتشاشچؽ دامغاسی ویریب، اونلارؽ اؤلدۆرن، دؤین، حبسه محکوم ائدن و بۆتۆن بونلارؽ اۆست-باسدئر ائتسین دئیه اینترنئتی و مجازؽ شبکه لری کسیب سؽرادان چیخاران، حیاسؽزجاسؽنا یالان دانؽشماقلا اینسانلؽغؽن شعورونا سائقؽسؽزلؽق ائدیب اؤزۆنۆ ملک سایان بو رژیم دفعه لرله وورغولادؽغؽم کیمی اصلاح اولونمازدیر.
میللتین ناموسونو سؤزده «گشت ارشاد» آدلانان ماشؽنؽن ایچینده دؤیه رک اؤلدۆرمه‌سینی دانان رژیم، اردبیلده قیز مدرسه سینه سوخولوب بیر نئچه مدرسه قؽز اوشاقلارؽ نؽن اؤلۆمۆ و چوخ سایدا یارالانماسؽ و توتوقلانماسؽیلا نتیجه لنن یؽرتؽجی داورانؽشؽنؽ نئجه توجیح ائده بیلر؟
مدرسه ده قیز اوشاقلاری رژیمه قارشؽ هانسؽ تهلۆکه نی و خطری یارادا بیلردیلر؟
آرتؽق نه رژیم، نه ده اونون گئیدیرمه شوعارلارؽ بو میللتین اوموروندا بئله دئییل.
اۆزۆمۆ تاریخ بویو بو میللتین دوز- چؤره‌ییله کئچینن آیت الله لارا و روحانیلره توتاراق دئییرم:
سیزلری بۆتۆن بو جنایتلرقارشؽسؽندا سوسدوران عامیللر نه لر دیر؟ نه دن اؤز ولی نعمتلرینیزدن اۆز دؤندریبسینیز؟
بو میللت اولماسا سیز نه یه یارارسینیز؟
بونونلادا ،اؤلکه اهالیسینین بۆتوۆن بو حاقسئزلئقلارا قارشؽ دینج اعتراضلارینؽ حمایه ائدیب، شهید اولانلارؽن روحونا رحمت ،بو مقدس مباریزه ده خالقؽمؽزلا یاناشؽ بۆتۆن اؤلکه خالقلارینا اوغورلار دیله ییرم.
یئنی گاموح باشقانی سایین دوکتور لطیف حسنی
