«آذربایجان‌دا باش وئره‌ن اولایلاری، خصوصیله ده خوجالی فاجعه‌سینی میللتیمیزه تانیتماغا ایمکان وئریلمه‌ییب. میللی فعاللاریمیزین آراسین‌دا گئنیش یاییلسا دا، تأسف کی، کوتله بو باره‌ده اطرافلی تانیش دئییل. ارمنیلر اوچون هرطرف‌لی فعالیت گؤسترمه‌یه امکان وئریرلر. اونلار اؤز دیلینده اوخویور، مکتبلری وار، ژورناللاری چاپ اولونور، اما آذربایجانلیلارا هئچ واخت بو ایمکانی ورمییبلر. حتی ارمنیلر تورکییه سفیرلیینین قارشی‌سین‌دا اعتراض آکسییاسی کئچیره بیلیرلر. پاشینیان گلنده بیزه قارشی شعارلار سسلندیرمه‌یه ایمکان یارادیلدی. او جمله‌دن، تلویزییادا بونون یاییملانماسینا بئله راضی اولموشدولار. ایران حاکمیتینین سیاستی همیشه آنتی-آذربایجان اولوب. داخیل‌ده خوجالینی یاد ائتمه‌یه ایمکانلاریمیز محدودلاشدیریلسا دا، خاریج‌ده بیز-گونئی‌لیلر تدبیرلر کئچیریریک».
میللی فعال حساب ائدیر کی، عصرین دهشتلی حادثه‌سی اولان خوجالی فاجعه‌سینی تانیتماق اوچون دیاسپورامیزین اوزرینه بؤیوک یوک دوشور:
«کئچه‌ن ایل آمریکا اونیورسیتتلرین‌ده ارمنیلر امضاتوپلاما کامپانییاسی کئچیریب، تبلیغ ائتمه‌یه چالیشیردیلار کی، گویا آذربایجانلیلار اونلارا قارشی سویقیریم حیاتا کئچیریب. آذربایجان‌لی طلبه‌لر، منیم قیزیم دا داخیل اولماقلا، اونلارین الکترون آدرسینه بیر-بیر مکتوب یازیب، بونا اعتراض ائتمیشدی. قوزئی و گونئی‌دن اولان طلبه‌لر سفربر اولوب، اینترنت‌دن بؤیوک چتین‌لیکله، خوجالی فاجعه‌سی ایله باغلی شکیللر تاپیب، بو اونیورسیتتلرین الکترون عنوانلارینا گؤندردیلر. مکتوبا جواب یازانلار خوجالی ایله باغلی معلوماتسیز اولدوقلارینی دئییب، عذر ایستییردیلر. دوشونوره‌م کی، آذربایجان دؤولتی بو فاجعه حاقیندا گئنیش معلومات یایمالیدیر. آمریکا تلویزییالارین‌دا بونونلا باغلی وئریلیشلر حاضرلانمالی‌دیر. یعنی، آذربایجان آمریکا جمعیتینه باش وئره‌ن اولایلاری گئنیش یایمالیدیر. دیاسپوروموزدا تشببوس یوخدور و بو ایشلره لازیمینجا ماراق گؤسترمیر. هان‌سی سبب‌دن بو بئله‌دیر، بیلمیرم. تکزاس‌دا مینلرله آذربایجان‌لی وار، اما اونلارین توپلاشماغا بیر یئری یوخدور. توپلاشا بیلدیی یئرلرده ایسه آذربایجانچی‌لیق روحو یوخدور. دونیانین هر یئرینه آذربایجانلیلار یاییلیب. بیز اونلارین هر بیرینه بیر ائلچی کیمی باخیب، دستکلملیگیک. بیزیم تشکیلاتچیلیغیمیز یوخدور و بو دا معاریفچیلیکله مشغول اولماغیمیزا مانع اولور. اودور کی، بئله فاجعه‌لری تانیتماغا و ارمنیلرین تبلیغینین قارشی‌سینی آلماغا نایل اولا بیلمیریک. خصوصیله ده آمریکادا ارمنیلر چوخدور. گوجلو تشکیلاتلانیبلار و بیر-بیرینی دستکلییرلر»، – دئیه او بیلدیریب.
