Dünyaİran

Kanada 10 mindən çox SEPAH komandirinin ölkəyə girişini yasaqladı

Kanadanın baş naziri Castin Trüdo jurnalistlərə müsahibəsində deyib ki, onun hökuməti İran İnqilabı Keşikçiləri Korpusunun (SEPAH) yüksək rütbəli üzvlərinin Kanadaya daxil olmasının qarşısını almaq üçün tədbirlər görür.

Oktyabrın 7-də Kanadanın baş naziri Castin Trüdo İslam Respublikasını cəzalandırmaq üçün 10 mindən çox SEPAH komandirinin ölkəsinə girişinin daimi qadağan edildiyini söyləyib.

Kanada SEPAH və onun nümayəndələrinin maliyyə əməliyyatlarına məhdudiyyətlər qoyarkən, iranlı etirazçıların susdurulmasına cavabdeh olan qurum və şəxslərə qarşı tətbiq edilən sanksiyaların siyahısını genişləndirir.

O, həmçinin bildirib ki, ölkəsi bu “qəddar” rejimi məsuliyyətə cəlb etmək üçün əlində olan ən güclü vasitələrdən istifadə edir.

Kanada hökumətinin bu hərəkəti SEPAH-ın adının terror təşkilatları siyahısına salınması üçün müxalifət partiyasının nümayəndələri və müdafiəçilərinin həftələrlə davam etdirdiyi təzyiqlərdən sonra baş verib.

Kanada daha əvvəl insan haqlarının geniş şəkildə pozulması və iranlı etirazçıların zorakılıqla susdurulması səbəbindən 34 iranlı şəxs və quruma sanksiya tətbiq etmişdi

Related Articles

Bir cavab yazın

Back to top button