“İranda səfirliyimizin bağlanmasının konkret səbəbi var: bu, səfirliyə terror hücumu ilə, insanların həyatına dair təhlükənin olması ilə bağlıdır. Azərbaycan tərəfinin gözləntisi ondan ibarətdir ki, bu cinayəti törədən şəxs ən sərt formada cəzalandırılmalı və səfirliyimizin təhlükəsizliyi tam təmin edilməlidir, buna zəmanət verilməlidir.
Bizə məhkəmə prosesinin başlaması ilə bağlı tarixlər verilib və təbii ki, bu nəticədən asılı olaraq, növbəti qərarları verəcəyik. Məsələlər müsbət həllini tapdıqdan sonra səfirliyin bərpası mümkün olacaq”.
