اوغوز طایفالاریندان سؤز گئدیر و اوغوز دب لریندن دانیشیلیر ایچ اوغوز و دیش اوغوز (ایچری اوغوز و ائشیک اوغوز) بحث اولونور. بو اوغوز کیمدیر و اوغوز طایفالاری هانسی طایفالاردیر؟
اوغوز حاققیندا بیر سیرا دانستانلار, تاریخی سندلر آراشدیرارکن بو نتیجه یه گلمک اولور کی اوغوز خان آدیندا بیر زمان طایفا بؤیوگو و بیر ائلین آتاسی و حاکمی ایمیش اونون آلتی اوغلو اولور و بئله بللی دیر کی اونلارین اوچو بیر آنادان. اوچو ایسه باشقا آنادان ایمیشلر. اوغوزون اوغلانلاری اولان گوی خان, آی خان , اولدوز خان بوز اوخ او بیری اوغلانلاری ایسه گؤی خان , داغ خان , دنیز خان اوچ اوخ آدلانیرلار . بوزاوخلار ایچ اوغوز اوچ اوخلار ایسه دیش اوغوز دئییلرلر اوغوز خانین اوغلانلارینین هر بیرینین دؤرد قبیله آیریلیر :
بوز اوخلار :
گون خان: قایی- بایات – القراولی, قاراائولی
آی خان: یازیر, دؤگر, دودورغا, یاپرلی
اولدوز خان: آوشار(افشار) , قیزیق, بیگدلی, قارقین
اوچ اوخ لار:
گؤی خان : بایندیر, بئچه نه, چاوولدور, چئبنی
داغ خان : سالور, ائیمور, آلایونتلی, اوره گیر
دنیزخان: ییگدیر, بوگدوز, ییوا, قینیق.
بو 24 قبیله یه اوغوز قبیله لری دئییلیر و بوگونکو تورکلرین چوخو اوغوزلاردان ساییلیر( ایران , تورکیه, آذربایجان, تورکمنستان , عراق و بالکان تورکلری اوغوزون نسلیندن حساب اولونورلار) اوغوزلا مسلمان اولدوقدان سونرا اؤز یئرلری اورتا آسیادان ایران و انادولویا کؤچه رک سلجوق لار و عثمانلی لار کیمی بؤیوک دولت لر قورورلار . (1) آکادمیک و . ل قوردلئسکی بو فیکیرده دیر کی اوغوزلار سلجوقی لردن چوخ – چوخ قاباق بو یئرین ساکن لری ایمیش لر و دییرلر اوغوز قهرمانلارینین فعالیتی اسلامیتین بیرینجی عصرینه عایید ائدیر(2)
(1) دکتر جواد هییت تورکلرین تاریخ و فرهنگینه بیر باخیش ص 28 و 31
(2) پاشا افندی یف – آذربایجانین شفاهی خالق ادبیاتی ص 311
